काठमाडौं २५ पुस । भारतीय राज्य आन्ध्र प्रदेशको तिरुपति मन्दिरमा बुधबार राति भागदौड मच्चिँदा ४ जनाको मृत्यु भएको छ।
भारतीय सञ्चारमाध्यमका अनुसार मन्दिरको वैकुण्ठद्वारको दर्शनका लागि टोकन वितरण गरिँदै गर्दा यो घटना भएको हो।
यस क्रममा भागदौड मच्चिँदा धेरै मानिस घाइते पनि भएका छन्।
आन्ध्र प्रदेशका मुख्यमन्त्री चन्द्रबाबु नायडूले भागदौडमा चार श्रद्धालुको मृत्यु भएकामा दुःख व्यक्त गरेका छन्।
समाचार एजेन्सी पीटीआईका अनुसार, तिरुमाला हिल्समा अवस्थित भगवान् वेंकटेश्वर स्वामी मन्दिरमा वैकुण्ठद्वार दर्शनका लागि टिकट लिन तिरुपति मन्दिरका धेरै भक्तजन दौडिरहेका थिए।
जनवरी १० मा सुरु हुने १० दिने वैकुण्ठद्वार दर्शनका लागि भारतभरबाट सयौँ भक्तजन त्यहाँ पुगेका छन्।
प्रतिक्रिया दिनुहोस्