सर्लाही, ४ चैत । सर्लाहीको सोल्टी बजारबाट १५ लाख बरावरको चोरी भएको छ ।
गए राती बागमती नगरपालिका वडा नं ८ स्थित सोल्टी बजारमा रहेको माँ सरोवर ज्वेलर्स बाट १८ तोला सुन, ६ केजी चाँदी र पसल को दराजमा राखिएको नगद २ लाख सहित १५ लाख बरावरको गरगहना चोरी भएको पसलका संचालक रामकृपाल साहले बताए ।
इलाका प्रहरी कार्यालय भन्दा २सय मिटर मै बजारको मध्यभागमा रहेको पसलको सटर फोडेर चोरले सुनचाँदी र नगद सहित चोरी गरे पछि आफु हरु को ब्यबसाय सुरक्षित नभएको र प्रहरी ले सुरक्षा को प्रत्याभुती दिन नसकेको ब्यबसायी हरु ले बताएका छन ।
उता जानकारी पाउनासाथ घटनास्थलको निरिक्षण गरि अनुसंधान थालिएको ईलाका प्रहरी कार्यालय बरहथवाका प्रहरी निरिक्षक ललन कुर्मीले बताए ।
प्रतिक्रिया दिनुहोस्