काठमाडौं २२ फागुन । युक्रेनका राष्ट्रपति भोलोदिमिर जेलेन्स्कीको गृहनगरमा रहेको एक होटलमा रुसले मिसाइल आक्रमण गर्दा चार जनाको ज्यान गएको छ । युक्रेनी राष्ट्रपति जेलेन्स्कीले बेल्जियमको राजधानी ब्रसेल्समा युरोपेली नेताहरूसँगको शिखर सम्मेलनको तयारी गरिरहेका बेला रुसले आक्रमण गरेको बीबीसीले जनाएको छ ।
आक्रमणबाट अरू ३१ जना घाइते भएका छन् । युक्रेनको मध्य शहरमा रहेको एउटा होटलमा मिसाइल खस्दा १३ वटा अपार्टमेन्ट ब्लक र १२ वटा पसलमा क्षति पुगेको बीबीसीको खबरमा उल्लेख छ ।
युक्रेनी राष्ट्रपति जेलेन्स्कीले मिसाइल आक्रमणमा परेको होटलमा अमेरिकी र बेलायती स्वयंसेवकहरू उपस्थित रहेका बताउनुभएको छ । रुस र युक्रेनबीच गएको तीन वर्षदेखि युद्ध चलिरहेको छ ।
प्रतिक्रिया दिनुहोस्