काठमाडौ ९ जेठ । अमेरिकाको सान डिएगोमा आवासीय क्षेत्रमा विमान दुर्घटना भएको छ । स्थानीय समय अनुसार हिजो बिहिवार बिहान पौने ४ बजे विमान दुर्घटना भएको बीबीसीले जनाएको छ ।
दुर्घटनामा ज्यान गुमाउनेको सङ्ख्या भने यकिन भएको छैन । विमान दुर्घटनामा आठ जना घाइते भएका छन् भने १५ वटा भन्दा धेरै घर तथा गाडीमा क्षति पुगेको छ ।
दुर्घटनाग्रस्त विमानमा प्रख्यात सङ्गीतकर्मी डेभ शापिरो पनि रहेका उहाँको प्रतिभा कम्पनीले जनाएको छ । उहाँको सम ४१, स्टोरी अफ द इयर र पियर्स द भेल जस्ता ब्यान्डहरू प्रख्यात छन् ।
सान डिएगोमा आठदेखि दश जनासम्म अटाउने सानो विमान दुर्घटना भएको त्यहाँको दमकल सेवाका सहायक प्रमुख ड्यान एडीले बताउनुभयो । घटनाबारे अनुसन्धान भइहेको छ ।
प्रतिक्रिया दिनुहोस्