अछाम,१३ चैत । मंगलसेन नगरपालिका र अछाम उद्योग बाणिज्य संघले प्रदेश सातका आर्थिक मामिला तथा योजनामन्त्री झपट बोहरा सङ्ग आर्थिक सवाल र समसामयिक विषयमा अन्तरक्रिया गरेको छ ।

मन्त्री बोहरा गृह जिल्ला अछाम आयका बेला स्वागत तथा सम्मान गर्दै मन्त्री सङ्ग विकास र समृद्धिका विषयमा अन्तरक्रिया गरिएको हो । सहभागी जनप्रतिनिधि, कार्यालय प्रमुख र सरोकारवालाले नगरको विकास, जिल्लाको समृद्धि र औधोगिक विकासका विभिन्न विसयमा आर्थिक मामिला तथा योजनामन्त्री बोहरालाई जिज्ञासा राख्नुभएको थियो ।

नगर प्रमुख पदम बहादुर बोहराको अध्यक्षतामा भएको स्वागत तथा अन्तरक्रियामा प्रमुख अतिथि रहनुभयका मन्त्री बोहराले लोक कल्याणकारी राज्यका लागि कर आवश्यक भयकाले सरकारले लगाउने कर जनताकै लागि भएको बताउनुभयो ।

सबैका हक अधिकार सुनिस्चित गर्न तथा विकास र समृद्धिको लागि प्रदेश सरकारले लगानी मैत्री बाताबरण बनाउने बताउनुभयो । प्रदेशको समानुपातिक विकास र आर्थिक समृद्धिको लागि लगानी कर्तालाई विशेष व्यवस्था र आकर्षणका कार्यक्रम ल्याउने तयारिमा आफुहरु रहेको मन्त्री बोहराको भनाई थियो ।

विशेष लक्ष्य उदेश्य सहित नगरपालिकाले अघि बढेको खण्डमा प्रदेश सरकार सबै प्रकारका सहयोग गर्न तयार रहेको बताउनुभयो । अन्तरक्रियामा उधोग बाणिज्य संघका महासचिव बम बहादुर रावल, मंगलसेन नगरपालिका वार्ड नम्बर ६ का अध्यक्ष जनकराज भण्डारी लगायतले मन्तब्य राख्नुभएको थियोे ।

नगर उपप्रमुख सरिता उपाध्यायले स्वागत मन्तब्य राख्नुभएको अन्तरक्रियामा कार्यक्रमको सहजीकरण नगरका सुचना अधिकारी नरेश बहादुर कठायतले गर्नुभएको थियो ।

यस्तै मन्त्री बोहरालाई जिल्ला प्रसाशन कार्यालयमा जिल्ला स्थित कार्यलय प्रमुखहरुले आर्थिक, भौगोलिक र समसामयिक विषयमा बिफ्रिङ गरेका थिए भने बान्निगढि जयगढ गाउपालिकाले पनि  विविध विषयमा छलफल गरेका थिए ।