काठमाडौ ३१ जेष्ठ ।फिफा विश्वकप–२०२६ अन्तर्गत समूह चरणको खेलमा अस्ट्रेलियाले टर्कीविरुद्ध सुरुवाती अग्रता लिएको छ।
क्यानडाको भ्यानकुभरस्थित बीसी प्लेस स्टेडियममा जारी खेलको २७औं मिनेटमा अस्ट्रेलियाका नेस्टोरी इरानकुन्डाले गोल गर्दै टोलीलाई १–० को अग्रता दिलाएका हुन्।
इरानकुन्डाले टर्कीका तीन डिफेन्डरलाई छक्याउँदै उत्कृष्ट फिनिसिङमार्फत गोल गर्न सफल भए। खेलको सुरुवाती चरणदेखि नै दुवै टोलीले आक्रामक खेल प्रदर्शन गरे पनि अस्ट्रेलियाले अवसरलाई सदुपयोग गर्दै अग्रता लिन सफल भएको हो।
टर्कीले खेलमा बराबरी फर्काउने प्रयास जारी राखेको छ भने अस्ट्रेलिया काउन्टर–अट्याकमा केन्द्रित देखिएको छ।
प्रतिक्रिया दिनुहोस्