काठमाडौं ८ असार । फिफा विश्वकप–२०२६ अन्तर्गत जारी खेलमा न्युजिल्यान्डले इजिप्टविरुद्ध पहिलो हाफमा १–० को अग्रता बनाएको छ।

खेलको १५औँ मिनेटमा फिन समनले उत्कृष्ट हेडमार्फत गोल गर्दै न्युजिल्यान्डलाई अग्रता दिलाएका हुन्। कर्नरबाट आएको बललाई उनले सटीक हेडमार्फत जाली चुमाएका थिए।

गोल खाएपछि इजिप्टले खेलमा फर्किने प्रयास गर्दै आक्रमणलाई तीव्र बनाएको थियो। इजिप्टका खेलाडीहरूले केही अवसर सिर्जना गरे पनि न्युजिल्यान्डको रक्षापंक्ति र गोलरक्षकले त्यसलाई विफल बनाएका थिए।

पहिलो हाफभर दुवै टोलीबीच प्रतिस्पर्धात्मक खेल देखिए पनि फिन समनको गोल नै निर्णायक बनेको छ। न्युजिल्यान्डले बल नियन्त्रण र रक्षात्मक अनुशासन कायम राख्दै अग्रता जोगाउन सफल भएको हो।

पहिलो ४५ मिनेटको खेल सकिँदा न्युजिल्यान्ड १–० ले अगाडि रहेको छ। दोस्रो हाफमा इजिप्ट बराबरी गोलको खोजीमा रहनेछ भने न्युजिल्यान्ड अग्रता जोगाउँदै जित नजिक पुग्ने प्रयासमा हुनेछ।