काठमाडौं ११ असार । फिफा विश्वकप २०२६ अन्तर्गत समूह ‘डी’को खेलमा अमेरिका र टर्कीबीचको प्रतिस्पर्धा रोमाञ्चक बनेको छ। खेलको पहिलो १० मिनेटभित्रै दुवै टोलीले एक–एक गोल गर्दै खेललाई १–१ को बराबरीमा पुर्याएका छन्।
अमेरिकाले खेलको तेस्रो मिनेटमै अग्रता लिएको थियो। डिफेन्डर अस्टिन (अस्टन) ट्रस्टीले कर्नरबाट आएको बललाई सदुपयोग गर्दै टोलीलाई सुरुआती अग्रता दिलाएका थिए।
तर टर्कीले धेरैबेर पछि पर्न दिएन। खेलको १०औँ मिनेटमा स्टार मिडफिल्डर अर्दा गुलरले गोल गर्दै टर्कीलाई १–१ को बराबरीमा फर्काए। त्यसपछि दुवै टोलीले थप गोलको अवसर सिर्जना गर्ने प्रयास जारी राखेका छन्।
प्रतिक्रिया दिनुहोस्