काठमाडौं । फिफा विश्वकप २०२६ को समूह चरण अन्तिमतिर पुग्दै गर्दा नकआउट चरणको सम्भावित समीकरणबारे विश्वभर चासो बढेको छ। केही टोलीले अन्तिम–३२ मा स्थान सुरक्षित गरिसकेका छन् भने केही समूहको अन्तिम खेलपछि मात्रै पूर्ण ब्राकेट तय हुनेछ।

यद्यपि, खेल विश्लेषक, तथ्याङ्कमा आधारित Opta Supercomputer, विभिन्न पूर्वानुमान मोडेल तथा अन्तर्राष्ट्रिय सञ्चारमाध्यमहरूले सम्भावित क्वार्टरफाइनलिस्टहरूको आकलन गर्न थालेका छन्। Opta को पूर्व–प्रतियोगिता सिमुलेसनमा स्पेन सबैभन्दा ठूलो दाबेदार देखिएको थियो भने फ्रान्स, इंग्ल्याण्ड, अर्जेन्टिना, पोर्चुगल र ब्राजिललाई पनि उपाधिका प्रमुख प्रतिस्पर्धी मानिएको थियो।

यही समग्र विश्लेषण, टोलीको वर्तमान प्रदर्शन र सम्भावित नकआउट मार्गलाई आधार मानेर तयार गरिएको सम्भावित चित्र यस्तो हुन सक्छ।

सम्भावित अन्तिम–१६

• 🇧🇷 ब्राजिल vs 🇳🇱 नेदरल्याण्ड्स → ब्राजिल विजयी
• 🇩🇪 जर्मनी vs 🇫🇷 फ्रान्स → फ्रान्स विजयी
• 🇦🇷 अर्जेन्टिना vs 🇪🇸 स्पेन → अर्जेन्टिना विजयी
• 🏴 इंग्ल्याण्ड vs 🇲🇽 मेक्सिको → इंग्ल्याण्ड विजयी
• 🇵🇹 पोर्चुगल vs 🇺🇸 अमेरिका → पोर्चुगल विजयी
• 🇨🇭 स्विट्जरल्याण्ड vs 🇯🇵 जापान → स्विट्जरल्याण्ड विजयी
• 🇲🇦 मोरक्को vs 🇨🇦 क्यानडा → मोरक्को विजयी
• 🇧🇪 बेल्जियम vs 🇨🇮 आइभोरी कोस्ट → बेल्जियम विजयी

सम्भावित क्वार्टरफाइनल

यदि माथिका नतिजा आए भने अन्तिम–८ मा यी खेलहरू हुनसक्ने अनुमान गरिएको छः

• 🇧🇷 ब्राजिल vs 🇫🇷 फ्रान्स
• 🇦🇷 अर्जेन्टिना vs 🏴 इंग्ल्याण्ड
• 🇵🇹 पोर्चुगल vs 🇨🇭 स्विट्जरल्याण्ड
• 🇲🇦 मोरक्को vs 🇧🇪 बेल्जियम

यस सम्भावित समीकरणमा फ्रान्स, अर्जेन्टिना, पोर्चुगल र बेल्जियम सेमिफाइनल पुग्ने अनुमान गरिएको छ।

किन फ्रान्स, स्पेन र अर्जेन्टिनामाथि बढी विश्वास?

Opta Supercomputer ले प्रतियोगिता सुरु हुनुअघि १० हजारभन्दा बढी सिमुलेसन गरेर स्पेनलाई सबैभन्दा बलियो दाबेदार मानेको थियो। त्यसपछि क्रमशः फ्रान्स, इंग्ल्याण्ड र अर्जेन्टिनालाई उपाधि दाबेदारका रूपमा राखिएको थियो। पोर्चुगल र ब्राजिल पनि दोस्रो तहका बलिया टोलीका रूपमा मूल्याङ्कन गरिएका थिए।

प्रतियोगिता अघि गरिएको अर्को Reuters सर्वेक्षणमा भने विश्वभरका अर्थशास्त्रीहरूले फ्रान्सले फाइनलमा स्पेनलाई हराएर विश्वकप जित्नेअनुमान गरेका थिए। अर्जेन्टिना, पोर्चुगल र इंग्ल्याण्डलाई पनि शीर्ष पाँच दाबेदारमा राखिएको थियो।

अन्तिम ब्राकेट अझै निश्चित छैन

यद्यपि, यो सबै सम्भावित विश्लेषण मात्र हो। समूह चरणका केही खेल अझै बाँकी रहेकाले नकआउट चरणको आधिकारिक ब्राकेट परिवर्तन हुन सक्छ। विशेषगरी फ्रान्स, पोर्चुगल, इंग्ल्याण्ड, स्पेन र अर्जेन्टिनाको समूहमा शीर्ष वा उपविजेता बन्ने नतिजाले उनीहरूको प्रतिद्वन्द्वी र सम्पूर्ण नकआउट मार्ग बदल्न सक्छ।

विश्वकपमा हरेक संस्करणमा अप्रत्याशित नतिजा आउने भएकाले तथ्याङ्कीय मोडेलले बलिया टोलीलाई अघि सारे पनि वास्तविक विजेता भने मैदानभित्रको प्रदर्शनले मात्र निर्धारण गर्नेछ।