जनकपुरधाम, १६ साउन । दुई समुदायबिच उत्पन्न तनावको स्थिति साम्य पार्न र शान्ति सुरक्षा सुदृढ बनाउन गृहमन्त्री सुदन गुरुङ धनुषा पुग्नुभएको छ।
अवस्थालाई सामान्य बनाउन र धार्मिक/सामाजिक सद्भाव कायम राख्नका लागि गृहमन्त्री गुरुङले जिल्ला प्रशासन कार्यालय धनुषामा स्थानीय हिन्दूवादी सङ्गठनका प्रतिनिधिसँग शनिबार वार्ता सुरु गर्नुभएको हो।
वार्तामा जिल्लाको समग्र शान्ति सुरक्षा, अमनचयन कायम राख्ने विषय र दुवै पक्षबिचको असमझदारी अन्त्य गर्नेबारे छलफल भइरहेको छ।
छलफलमा जनकपुरधाम उपमहानगरपालिकाका प्रमुख मनोजकुमार साह, प्रतिनिधि सभा सदस्य मनिष झा, हिन्दू सम्राट सेनाका प्रतिनिधिलगायतको उपस्थिति रहेको छ।
Originally published on abcnews.com.np.
प्रतिक्रिया दिनुहोस्