काठमाडौं । चीनको राज्य–नियन्त्रित ‘पिपुल्स डेली’ले चीनको दक्षिणपश्चिमी तिब्बत स्वायत्त क्षेत्रको केरुङ बन्दरगाहनजिकै पहिरो गएको जनाएको छ। पहिरोमा केही व्यक्ति बेपत्ता भएको आशंका गरिएको स्थानीय अधिकारीहरूले बताएका छन्।

सिगात्से सहरअन्तर्गत केरुङ जिल्लाको आपत्कालीन व्यवस्थापन ब्युरोका अनुसार पहिरोका कारण चिनियाँतर्फ बन्दरगाहसम्म पुग्ने सडक अवरुद्ध भएको छ। यसैगरी, सञ्चार र विद्युत् आपूर्ति पनि प्रभावित भएको बताइएको छ।

केरुङ बन्दरगाह चीन र नेपाललाई स्थलमार्गबाट जोड्ने प्रमुख नाकामध्ये एक हो। बुधबार बिहान चीनको स्वशाषित क्षेत्र तिब्बतबाट भोटेकोशी र त्रिशूलीमा ठूलो बाढी आएको थियो।

बाढीको प्रभाव

बुधवार बिहान आएको बाढीले केरुङ बन्दरगाह नजिकैको सडकमा पहिरो ल्याएको हो। यसले गर्दा चीनतर्फ जाने नाका अवरुद्ध भएको छ। स्थानीय आपत्कालीन व्यवस्थापन ब्युरोले सञ्चार र विद्युत् सेवा पनि प्रभावित भएको जानकारी दिएको छ।

Originally published on abcnews.com.np.