बागलुङ । गुठी युवा क्लबले भदौ २८ र २९ गते चिप्लेटी बसपार्क, गुठीमा पाँचौं तीज मेला आयोजना गर्ने भएको छ।

सांस्कृतिक परम्पराको संरक्षण, मनोरञ्जन तथा आपसी सद्भाव अभिवृद्धि गर्ने उद्देश्यले मेला आयोजना गर्न लागिएको क्लबका सचिव सुवास रुचालले बताए।

मेलामा अन्तरविद्यालय तीज गीत तथा नृत्य प्रतियोगिता (महिला/पुरुष), पुरुषतर्फ सोलो बाइक प्रतियोगिता, महिलातर्फ सोलो स्कुटर प्रतियोगिता, म्युजिकल चियर प्रतियोगिता तथा महिला–पुरुष दुवैतर्फ घैँटोफोर प्रतियोगिता सञ्चालन गरिनेछ।

आयोजकका अनुसार महिला समूहहरूले मौलिक तीज गीत प्रस्तुत गर्नेछन् भने स्थानीय तथा राष्ट्रिय कलाकारहरूको सांगीतिक प्रस्तुति मेलाको मुख्य आकर्षण रहनेछ।

चिप्लेटी बसपार्क परिसरमा हुने मेलाको आयोजना गुठी युवा क्लबले गरेको हो। बागलुङ नगरपालिका–३ वडा कार्यालय, चिप्लेटी महिला समूह, गुठी आमा समूह र चिप्लेटी युवा क्लब सहआयोजकका रूपमा रहेका छन्।

Originally published on abcnews.com.np.