काठमाडौं । ब्लकबस्टर नेपाली चलचित्र **‘गौँथली’**ले बक्सअफिसमा आफ्नो सफल प्रदर्शनलाई निरन्तरता दिएको छ। साउन १ गतेदेखि प्रदर्शनमा आएको चलचित्रले २४ दिनमा १९ करोड ७१ लाख रुपैयाँ ग्रसकलेक्सन गरेको छ।
चलचित्र विकास बोर्डको बक्सअफिस तथ्यांकअनुसार आइतबारसम्म ‘गौँथली’लाई ७ लाख १५ हजार दर्शकले हेरेका छन्।
चलचित्रमा अरुण क्षेत्री, सिम्रन खड्का, मदनकृष्ण श्रेष्ठ, प्रकाश घिमिरे, लुनिभा तुलाधर, रवीन्द्र झा, ईश्वरी बराल, सञ्जोग रसाइली र सीतादेवी तिमिल्सिनालगायत कलाकारको अभिनय रहेको छ। बाल कलाकारका रूपमा अंशु ओली र प्रिन्स नेपालीले अभिनय गरेका छन्।
डा. भोला रिजालको कथामा आधारित चलचित्रको पटकथा तथा संवादमा निर्देशक डा. कपिलसँगै निश्चल कुँवर, निरज नेपाल र गिरिराज घिमिरेले सहकार्य गरेका छन्।
Originally published on abcnews.com.np.
प्रतिक्रिया दिनुहोस्