काठमाडौं, ३० चैत । कर्णाली प्रदेश सरकारको आयोजनामा सुरु हुन लागेको रारा पर्यटन वर्ष २०७५ को तयारी अन्तिम चरणमा पुगेको छ । भोली नयाँ वर्षको दिन प्रधानमन्त्री केपी शर्मा ओलीले पर्यटन वर्षको उद्घाटन गर्दै हुनुहुन्छ । पर्यटन वर्ष शुभारम्भ कार्यक्रममा सहभागी हुन प्रदेश सरकारका मन्त्रीहरु, प्रदेश प्रमुख, प्रदेश तथा संघिय सांसदहरु, प्रदेश मन्त्रालयका कर्मचारीहरु र संचारकर्मीहरु रारा पुगेका छन् । प्रधानमन्त्री ओली भने आज रारा जाने कार्यक्रम छ ।

प्रधानमन्त्रीले शनिबार बिहान ८ बजे राराबाट देशबासीका नाममा सम्बोधन गर्ने , सम्बोधन लगत्तै हुम्लाको हिल्सा नाका पुगेर ११ बजे पुन रारा फर्किने कार्यक्रम रहेको प्रधानमन्त्रीका प्रेस संयोजक चेतन अधिकारीले जानकारी दिनुभयो । रारामा प्रधानमन्त्रीले बोटिङ समेत गर्ने कार्यतालिका छ ।

१२ बजे पर्यटन वर्ष उद्घाटन सकेर प्रधानमन्त्री २ बजे जुम्ला जानुहुने र जुम्लामा उहाँकै अध्यक्षतामा कर्णाली स्वास्थ्य विज्ञान प्रतिष्ठानको सिनेट बैठक बस्ने कार्य तालिका रहेको उहाँका प्रेस संयोजक अधिकारीले जानकारी दिनुभयो । पर्यटन वर्ष तयारीको फोटो फिचर-