काठमाडौं । नेपाल राष्ट्र बैंकले मंगलबारका लागि विदेशी मुद्राको विनिमयदर सार्वजनिक गरेको छ। केन्द्रीय बैंकका अनुसार आज अमेरिकी डलर, युरो, पाउन्ड स्टर्लिङ, अस्ट्रेलियन डलर, कुवेती दिनार र बहराइन दिनारसहित अधिकांश विदेशी मुद्राको मूल्य बढेको छ।

आज अमेरिकी डलर एकको खरिददर १५२ रुपैयाँ १९ पैसा र बिक्रीदर १५२ रुपैयाँ ७९ पैसा निर्धारण गरिएको छ। सोमबार डलरको खरिददर १५२ रुपैयाँ ०४ पैसा र बिक्रीदर १५२ रुपैयाँ ६४ पैसा थियो।

अमेरिकी डलरको मूल्य यसअघि जेठ ७ गते हालसम्मकै उच्च विन्दुमा पुगेको थियो। त्यस दिन एक अमेरिकी डलरको खरिददर १५४ रुपैयाँ ६२ पैसा र बिक्रीदर १५५ रुपैयाँ २२ पैसा पुगेको थियो।

युरो र पाउन्ड पनि महँगिए

राष्ट्र बैंकका अनुसार आज एक युरोको खरिददर १७५ रुपैयाँ ८९ पैसा र बिक्रीदर १७६ रुपैयाँ ५८ पैसा छ। सोमबार युरोको खरिददर १७५ रुपैयाँ ७४ पैसा र बिक्रीदर १७६ रुपैयाँ ४३ पैसा थियो।

त्यस्तै, पाउन्ड स्टर्लिङ एकको खरिददर २०५ रुपैयाँ ३७ पैसा र बिक्रीदर २०६ रुपैयाँ १८ पैसा निर्धारण भएको छ। सोमबार पाउन्डको खरिददर २०५ रुपैयाँ १३ पैसा र बिक्रीदर २०५ रुपैयाँ ९६ पैसा थियो।

अस्ट्रेलियन डलर, कुवेती र बहराइन दिनारको मूल्य

आज अस्ट्रेलियन डलर एकको खरिददर १०७ रुपैयाँ ५० पैसा र बिक्रीदर १०७ रुपैयाँ ९२ पैसा रहेको छ। सोमबार यस्तो दर क्रमशः १०७ रुपैयाँ ४६ पैसा र १०७ रुपैयाँ ८९ पैसा थियो।

कुवेती दिनार एकको खरिददर ४९५ रुपैयाँ ५७ पैसा र बिक्रीदर ४९७ रुपैयाँ ५३ पैसा निर्धारण भएको छ। सोमबार कुवेती दिनारको खरिददर ४९५ रुपैयाँ ०८ पैसा र बिक्रीदर ४९७ रुपैयाँ ०४ पैसा थियो।

त्यस्तै, बहराइन दिनार एकको खरिददर ४०३ रुपैयाँ ६३ पैसा र बिक्रीदर ४०५ रुपैयाँ २२ पैसा कायम भएको छ। सोमबार यसको खरिददर ४०३ रुपैयाँ २४ पैसा र बिक्रीदर ४०४ रुपैयाँ ८३ पैसा थियो।

बैंकअनुसार विनिमयदर फरक हुनसक्ने

नेपाल राष्ट्र बैंकले आवश्यकताअनुसार तोकिएको विनिमयदर जुनसुकै समयमा संशोधन गर्न सकिने जनाएको छ।

केन्द्रीय बैंकले वाणिज्य बैंकहरूले निर्धारण गर्ने विनिमयदर भने फरक हुनसक्ने स्पष्ट पारेको छ। अद्यावधिक विनिमयदर राष्ट्र बैंकको वेबसाइटमा उपलब्ध हुने जनाएको छ।

Originally published on abcnews.com.np.