काठमाडौं । एप्पल इन्टरटेन्मेन्टको ब्यानरमा हरर जनराको चलचित्र ‘भिडियोटेप’ निर्माण हुने भएको छ। चलचित्रको निर्देशन ओविद उद्दिनले गर्नेछन्।

चलचित्रमा उपासना सिंह ठकुरी र कुन्दन मान शाक्य मुख्य भूमिकामा रहनेछन्। त्यस्तै अस्तित्व भट्टचन, कृशल श्रेष्ठ, रिसु राउत, जीवन अधिकारी, शेखर चापागाईं र सिद्धार्थ सिंहलगायत कलाकारको अभिनय रहने निर्माण पक्षले जनाएको छ।

चलचित्रको छायांकन भदौ ५ गतेदेखि उपल्लो मुस्ताङबाट सुरु हुने भएको छ। चलचित्रको डीओपीको जिम्मेवारी वशिष्ट प्रधानले सम्हाल्नेछन्।

हरर कथावस्तुमा निर्माण हुन लागेको ‘भिडियोटेप’लाई निर्देशक ओविद उद्दिनले फरक शैलीमा प्रस्तुत गर्ने तयारी गरेका छन्। चलचित्रको दृश्य पक्षलाई प्रभावकारी बनाउन वशिष्ट प्रधानको सिनेमेटोग्राफी रहने जनाइएको छ।

मुख्य भूमिकामा उपासना र कुन्दनसँगै अनुभवी तथा नयाँ कलाकारको मिश्रण रहेकाले चलचित्रप्रति दर्शकको चासो बढ्ने निर्माण पक्षको अपेक्षा छ।

Originally published on abcnews.com.np.