सिन्धुली, २ वैशाख । नयाँ वर्षको पहिलो दिन सबैले केही न केही गरेर मनाउँछन् । कोही पिकनिक त कोही घुमफिर । तर समाजसेवी उज्वल विक्रम थापाले भने नयाँ वर्षको पहिलो दिन सेवामै बिताउनुभयो ।

विगत तीन वर्षयता निरन्तर समाजसेवामा सक्रिय थापाले २०७५ को पहिलो दिन एक गरिब परिवारलाई सहयोग गरेर सबैलाई शुभकामना दिनुभयो ।

सिन्धुलीको गोलञ्जोर गाउँपालिका वडा नं. ३ का विष्णु दमाईका परिवारसँग थापाले नयाँ वर्ष मनाउनुभएको हो । दमाइका दुई छोरा अपाङ्गता भएका र तीन छोरीहरुलाई सहयोग गर्दै उहाँले नयाँ वर्ष मनाउनुभयो ।

नयाँ वर्ष मनाउनका लागि दमाई परिवारको घरमा थापा विभिन्न लत्ताकपडा, खाद्यान्न, ओढ्ने ओछ्याउने सामग्रीसहित पुग्नुभएको थियो ।

नयाँ वर्ष मनाउनका लागि दमाईको घर पुगेका थापाले आफ्नो फेसबुक स्टाटस यस्तो लेख्नुभयो–

‘आज नयाँ बर्ष गोलन्जोर गाउपालिका वडा न ३ निवासी बिष्णु दमाई र वहाँ को २ अन्धा अपाङ्गता भएका छोरा हरु र ३ छोरी सग मनाउन पुगेका छौँ ।अति गरिब र पिडा भोगेका यो परिवार लाई लत्ताकपडा भाडाकुडा खाद्यान्न सहयोग गर्न हामी पुग्दा आँखा बाट आसु रोक्नु पर्ने अवस्था थियो।भगवान पनि कति निर्दयी हुन सकेको भन्ने जस्तो लाग्यो।
केही पल भए पनि हासो र मुस्कान बाड्न सकेको मा सम्पुर्ण सिन्धुली पुनर्निर्माण पुनःस्थापन टीम ले गर्व महसुस गरेका छौँ।
आफू भन्दा कम्जोर लाई सकेको सहयोग गर्ने हाम्रो अभियान जारी छ ।’