काठमाडौं । राष्ट्रिय स्वतन्त्र पार्टी (रास्वपा) संसदीय दलको विधान संशोधन कार्यदल–२०८३ ले पूर्णता पाएको छ। मुख्य सचेतक कविन्द्र बुर्लाकोटीको संयोजकत्वमा गठन गरिएको कार्यदलले अब विधिवत रूपमा काम सुरु गर्ने भएको छ।

कार्यदलमा प्रकाशचन्द्र परियार, क्रान्तिशिखा धिताल, गणेश कार्की, सुलभ खरेल, गजला समिम मिकरानी, मोहनलाल आचार्य, कामिनी चौधरी, पुकार बम, डा. राम लामा, टीका संग्रौला, शिवजी यादव, पुष्पा चौधरी र समिना मियाँ सदस्य रहेका छन्।

रास्वपा संघीय संसदीय दलका सचेतक प्रकाशचन्द्र परियारका अनुसार कार्यदलको पहिलो बैठक बिहीबार दिउँसो २ बजे सिंहदरबारस्थित संसदीय दलको कार्यालयमा बस्नेछ।

बैठकमा संसदीय दलको विधान संशोधनका विषयमा प्रारम्भिक छलफल गर्दै आवश्यक प्रक्रिया र आगामी कार्ययोजना तय गरिनेछ।

विधान संशोधन कार्यदललाई जिम्मेवारीअनुसार आवश्यक सुझाव संकलन, छलफल तथा संशोधनको प्रस्ताव तयार गर्ने गरी काम अघि बढाउने तयारी गरिएको छ।

Originally published on abcnews.com.np.