भदौ १० देखि १५ गतेसम्म काठमाडौंमा आयोजना हुने नाडा अटो शोमा Sierra.ev को औपचारिक लन्च गरिने कम्पनीले जनाएको छ। लन्चअघि नै नेपाली अटो पारखीमाझ चासो बढाएको यो मोडलले नेपाली विद्युतीय सवारी बजारमा नयाँ प्रतिस्पर्धा थप्ने अपेक्षा गरिएको छ।

Sierra.ev मा अत्याधुनिक प्रविधि, प्रिमियम सुविधा र आकर्षक डिजाइनलाई प्राथमिकता दिइएको छ। भारतीय बजारमा बिक्री तथा बुकिङमा राम्रो प्रतिक्रिया पाएको यो मोडलले नेपालमा पनि उपभोक्ताको ध्यान तान्ने अपेक्षा गरिएको कम्पनीको दाबी छ।

नेपाली सडकको अवस्था र चालकको आवश्यकतालाई ध्यानमा राखेर Sierra.ev नेपाल भित्र्याइएको बताइएको छ। दमदार रोड प्रेजेन्स, विद्युतीय ड्राइभिङ अनुभव, ब्याट्री रेन्ज तथा मजबुत निर्माण यसको प्रमुख विशेषताका रूपमा प्रस्तुत गरिएको छ।

कम्पनीका अनुसार Sierra.ev को आगमनले नेपाली ईभी बजारमा प्रिमियम विद्युतीय एसयूभीको प्रतिस्पर्धालाई थप विस्तार गर्नेछ। नाडा अटो शोमा यसको सार्वजनिक प्रस्तुतिसँगै नेपाली उपभोक्ताले गाडीलाई प्रत्यक्ष अवलोकन गर्न पाउनेछन्।