काठमाडौं । सिद्धार्थ बैंक लिमिटेडले नेपालको बैंकिङ क्षेत्रमा पहिलोपटक व्यवसायिक तथा कर्पोरेट ग्राहकका लागि अनलाइनमार्फत खाता खोल्न सकिने डिजिटल सेवा सञ्चालनमा ल्याएको छ।

नयाँ सेवामार्फत नेपालमा दर्ता भएका कम्पनी, फर्म, संस्था तथा अन्य व्यवसायिक ग्राहकले अनलाइनबाटै खाता खोल्ने प्रक्रिया अघि बढाउन सक्नेछन्। ग्राहकको समय बचत गर्नुका साथै प्रक्रियागत झन्झट कम गर्दै बैंकिङ सेवालाई सहज, सरल र प्रविधिमैत्री बनाउने उद्देश्यले सेवा सञ्चालनमा ल्याइएको बैंकले जनाएको छ।

अनलाइन प्रणालीमार्फत आवश्यक विवरण तथा कागजात पेश गरी व्यवसायिक तथा कर्पोरेट खाता खोल्ने प्रक्रिया डिजिटल माध्यमबाट अघि बढाउन सकिनेछ।

तर, खाता सक्रियताका लागि आवश्यक प्रमाणीकरण तथा अन्य प्रक्रिया पूरा गर्न ग्राहकले सक्कली कागजातसहित आफूलाई पायक पर्ने बैंकको शाखामा एकपटक भौतिक रूपमा उपस्थित हुनुपर्नेछ।

बैंकका अनुसार नयाँ सेवाले व्यवसाय तथा संस्थागत ग्राहकलाई खाता खोल्ने प्रक्रियामा थप सुविधा प्रदान गर्नुका साथै बैंकिङ सेवामा डिजिटल पहुँच विस्तार गर्न सहयोग पुर्‍याउनेछ।

ग्राहकको समय र प्रक्रियागत झन्झट न्यूनीकरण गर्दै बैंकिङ सेवालाई थप प्रविधिमैत्री बनाउने उद्देश्यले ल्याइएको यो सेवाबाट व्यवसायिक तथा संस्थागत ग्राहकले अनलाइनबाटै खाता खोल्ने प्रक्रिया सुरु गर्न सक्ने बैंकले जनाएको छ।

Originally published on abcnews.com.np.