काठमाडौं । प्रहरीले उदयपुरबाट करिब दुई क्विन्टल गाँजासहित टिपर र चालकलाई नियन्त्रणमा लिएको छ।
उदयपुरको कटारी नगरपालिका–४ स्थित मरुवा खोलाबाट १९९.३२ किलो गाँजासहित ना.७ ख ८१७३ नम्बरको टिपर र त्यसका चालक सोम मगरलाई प्रहरीले नियन्त्रणमा लिएको हो।
विशेष सूचनाका आधारमा जिल्ला प्रहरी कार्यालय उदयपुरबाट खटिएको प्रहरी टोलीले टिपर जाँच गर्ने क्रममा नौ वटा बोरामा लुकाएर ल्याइएको १९९.३२ किलो गाँजा बरामद गरेको प्रहरी प्रधान कार्यालयले जनाएको छ।
प्रहरीले चालक मगरलाई नियन्त्रणमा लिएर घटनाबारे थप अनुसन्धान गरिरहेको जनाएको छ।
Originally published on abcnews.com.np.
प्रतिक्रिया दिनुहोस्