काठमाडौं । रसुवा जिल्लाको भोटेकोसीमा आएको बाढीमा परी ज्यान गुमाउने व्यक्तिको संख्या २७० पुगेको छ। नेपाल प्रहरीले दिएको जानकारी अनुसार, चितवन जिल्लामा मात्रै १०८ जनाको शव फेला परेको छ।

प्रहरीका अनुसार पूर्वनवलपरासीमा ६२ जना, पश्चिम नवलपरासीमा १५ जना, धादिङमा २७ जनाको शव फेला परेको हो। यस्तै गोरखामा २० जना, नुवाकोटमा १२ जना, तनहुँमा ९ जना र रसुवामा १७ जनाको शव फेला परेको प्रहरीले जानकारी दिएको छ। बाढीका कारण ५२ जना व्यक्ति घाइते भएका छन् र उनीहरूलाई विभिन्न अस्पतालमा उपचार भइरहेको छ।

घाइतेमध्ये त्रिवि शिक्षण अस्पतालमा २६ जना, ट्रमा सेन्टरमा २० जना, वीर अस्पतालमा २ जना, नर्भिक अस्पतालमा २ जना, मनमोहन अस्पतालमा १ जना र वीरेन्द्र सैनिक अस्पतालमा १ जनालाई उपचार प्रदान गरिएको प्रहरीले बताएको छ। यसैगरी, १४ जना घाइतेलाई भने अस्पतालबाट डिस्चार्ज गरिसकिएको प्रहरीले जनाएको छ।

Originally published on abcnews.com.np.