काठमाडौँ । भोटेकोसी नदीमा आएको विनाशकारी बाढीमा परी ज्यान गुमाउनेको सङ्ख्या ७ सय ३५ पुगेको छ ।

प्रहरी प्रधान कार्यालयको पछिल्लो विवरणअनुसार बाढी प्रभावित विभिन्न आठ जिल्लाबाट हालसम्म ७ सय ३५ जनाको शव फेला परेको हो । बाढीबाट प्रभावित क्षेत्रमा खोज तथा उद्धार कार्य जारी छ ।

प्रहरीका अनुसार रसुवामा १३, धादिङमा ५०, नुवाकोटमा ५२, गोरखामा ५८, चितवनमा २ सय ५९, तनहुँमा ३७, नवलपरासी पूर्वमा १ सय ८५ र नवलपरासी पश्चिममा ८२ जनाको शव फेला परेको छ ।

बाढीमा फसेका तथा जोखिममा रहेका २ हजार ७ सय १५ जनाको उद्धार गरिएको प्रहरीले जनाएको छ ।

यस्तै, बाढी तथा त्यसपछिको उद्धार कार्यका क्रममा नेपाली सेनाका ४४, नेपाल प्रहरीका २७ र सशस्त्र प्रहरी बल नेपालका १३ जना सम्पर्कविहीन रहेको प्रहरी प्रधान कार्यालयले जनाएको छ ।

बाढीबाट प्रभावित जिल्लामा सुरक्षाकर्मी तथा अन्य उद्धार टोली परिचालन गरी बेपत्ताको खोजी, शव व्यवस्थापन तथा प्रभावित नागरिकको उद्धार कार्यलाई निरन्तरता दिइएको छ।

Originally published on abcnews.com.np.