काठमाडौं । दक्षिण कोरियाका विदेशमन्त्री चो ह्युन शनिबार साँझ काठमाडौं आइपुगेका छन्।
विदेशमन्त्री ह्युन दक्षिण कोरियाबाट चार्टर्ड विमानमार्फत काठमाडौं आएका हुन्। भोटेकोसी बाढीमा हराएका कोरियाली नागरिकको खोज तथा उद्धारका लागि पहल गर्न उनी नेपाल आएका हुन्।
नेपाल भ्रमणका क्रममा विदेशमन्त्री ह्युनले परराष्ट्रमन्त्री शिशिर खनालसँग भेटवार्ता गर्ने कार्यक्रम छ।
परराष्ट्रमन्त्री खनालको सचिवालयका अनुसार भेटवार्तामा भोटेकोसी बाढीपछि जारी खोज, उद्धार तथा राहत अभियानका विषयमा छलफल हुनेछ।
कोरियाली नागरिकको खोज तथा उद्धारमा नेपाल सरकारसँग आवश्यक समन्वय र सहयोगका विषयमा समेत भेटवार्तामा छलफल हुने बताइएको छ।
Originally published on abcnews.com.np.
प्रतिक्रिया दिनुहोस्