वैशाख,१४ काठमाडौं । चिनियाँ राष्ट्रपति सी जिनपिङ र भारतीय प्रधानमन्त्री नरेन्द्र मोदीबीच भेटबार्ता भएको छ। चीनको हुपेइ प्रान्तस्थित वुहानमा मोदी र सीको भेट भएको हो ।
आज र भोलि सी र मोदीबीच अनेकौँ विषयमा विस्तृत छलफल हुने जनाइएको छ। यद्यपि दुई नेताबीचको वार्तापछि संयुक्त वक्तव्य नआउने जनाइएको छ। ‘अनौपचारिक शिखरवार्तामा दुई नेताबीच आत्मीय छलफल हुनेछ,’ चिनियाँ उपविदेशमन्त्री कङ सुयान्युले बताएका छन्।
हुबेई प्रान्तीय संग्रहालयमा लामो रेड कार्पेट पार गरेपछि सीले मोदीलाई स्वागत गरेका थिए ।
६ सातापछि जुनमा सांघाइ कोअपरेसन अर्गनाइजेसनको समिटमा सीसँग भेट निश्चित भए पनि गत आइतबार दुई देशबीच अचानक शिखरवार्ताको मिति घोषणा भएको थियो । राष्ट्रपति सीले भनेका छन्, ‘मोदीलाई भेट्दा खुसी लाग्यो । बसन्त ऋतु भेटका लागि राम्रो समय हो ।’ भारतीय प्रधानमन्त्री मोदीले भने स्वागतका लागि सीलाई धन्यवाद दिएका छन् ।
प्रतिक्रिया दिनुहोस्