अश्रुवर्षा
जब जब मेरो छाती चर्किन्छ
आकाशबाट मुसलधारे झरी दर्किन्छ
त्यो झरी झरी मात्र हुँदैन
मेरो आँसुको झरना हुन्छ
हृदयमा चम्किन्छ बिजुली
गर्जिन्छ जब मेघगर्जन बादल
मनका पत्र पत्र च्यातिँदै
बिस्तारै बिस्तारै झर्छन
असिना बनि धर्तीमा
थिँचो मिचो पार्छन
रहरका कलिला कोपिला
अनि
सपनाका सुन्दर फूलहरु
बन्छ्न जब आँसुका फोकाहरू
दह जस्ता
प्याट्ट फुट्छ्न
अनि
बिलाउँछ्न पलमै
फाट्छ भावना
म पग्लिन्छु र बहन्छु आँसुका छालहरुमा निरन्तर
अनि
सङ्लिन्छु पखालिएका धर्तीका तरेलीहरुमा अनन्त अनन्त ।।।।
प्रतिक्रिया दिनुहोस्