ललितपुर, २३ असार । जन्मदिन मनाउने आआफ्नै शैली हुन्छन् । कतिपयले आफन्तका बीचमा रमाइलो गरेर मनाउँछन् त कतिपयले भने सामाजिक क्षेत्रमा केही न केही योगदान दिएर मनाउँछन् । एकजना भूतपूर्वसिंगापुरे प्रहरीले भने जन्मदिनको अवसरमा खेलकुद आयोजना गरेर मनाएका छन् ।

नेपाल स्क्वास ¥याकेट संघले आयोजना गरेको ‘एनएसआरए स्क्वास च्याम्पियनसीप २०१८’ को लागि मुख्य प्रयोजन गर्दै भूतपूर्वसिंगापुरे इन्स्पेक्टर ध्रुबबहादुर गुरुङले आफ्नो ७१औं जन्मदिन मनाएका हुन् । सो प्रतियोगितामा सहभागी र उत्कृष्ठ खेलाडीलाई पुरस्कारका लागि गुरुङले ५० हजार रुपैयाँ दिएका थिए । प्रतियोगिताको समापन कार्यक्रममा बोल्दै उनले युवा खेलाडीलाई प्रोत्साहन गर्नका लागि जन्मदिनको अवसरमा आफूले सहयोग गरेको बताए ।

राष्ट्रिय खेलकुद परिषदका सदस्य सचिव केशवकुमार विष्टले जन्मदिनको अवसरमा खेलकुद क्षेत्रमा युवा आकर्षणका निम्ति गुरुङले गरेको योगदानको खुलेर प्रशंसा गरे । अरुका लागि अनुकरणीय भन्दै हरेक जन्मदिनमा खेलकुद क्षेत्रको विकासका लागि योगदान दिनका लागि समेत प्रेरणादायी काम भएको सदस्य सचिव विष्टको भनाइ थियो ।

त्यसैगरी, नेपाल स्क्वास ¥याकेट संघका अध्यक्ष किशोर महर्जनले जन्मदिनको अवसरमा खेलाडीको प्रोत्साहनका लागि गुरुङले पु¥याएको योगदानका लागि विशेष धन्यवाद दिए । तीन दिनसम्म चलेको प्रतियोगितामा सहभागी तथा उत्कृष्ठ खेलाडीका लागि कार्यक्रममा सम्मानपत्र र ट्रफी प्रदान गरिएको थियो ।