काठमाडौं, २८ असार । मस्कोमा जारी विश्कप प्रतियोगितामा नयां नयां नतिजा आउने क्रममा क्रोएसिया र इंग्ल्याण्डबीचको सेमी फाइनल पनि त्यस्तै भयो। निर्धारित समयमा बराबरी भएपछि थपिएको आधा घण्टामा क्रोशियाले बाजी मार्न सफल भएको हो । इंग्ल्यान्डलाई २—१ ले हराएर पहिलो पटक क्यारेवियन टिम क्रोशिया विश्वकपको फाइनलमा प्रवेश गर्न सफल भयो ।। उपाधिका आइतबार फ्रान्स र क्रोएसिया बीच प्रतिस्पर्धा हुनेछ ।

मारियो मान्जुकिचले अतिरिक्त समयमा गोल गरेपछि क्रोएसिया इतिहास रच्दै पहिलोपल्ट विश्वकपको फाइनलमा प्रवेश गरेको हो । रुसको लुज्निकी रंगशालामा सुरुआती ५ औं मिनेटमा अग्रता भने इंग्ल्यान्डले लिएको थियो । किरन ट्रिपरको फ्रि—किक गोलसँगै इंग्ल्यान्ड १—० ले ६८ औं मिनेटसम्म अग्रता कायम गरेको थिया् ।

पहिलो हाफमै इंग्ल्यान्डले अग्रता दोब्बर पार्ने अवसर पाएको थियो। कप्तान ह्यारी केनको पहिलो प्रहारमा गोलकिपर सुबासिच बाधक बने भने रिबाउन्डमा खालि पोष्टमा उनको प्रहार सफल हुन सकेन । इंग्ल्यान्डले पहिलो हाफमा निकै राम्रो खेल्यो। त्यसपछि उसको हातबाट खेलको नियन्त्रण क्रोएसियाले खोस्दा इंग्लिश फ्यानहरु स्तव्ध भएका थिए ,।
दोस्रो हाफमा सिमे भारसाल्कोको क्रसमा इभान पेरिसिचले इंग्ल्यान्डका डिफेन्डर किली वाकरलाई उछिनेर प्रहार गरेको बलले क्रोएसियालाई ६८ औं मिनेटमा १—१ को बराबरीमा पुऱ्यायो। निर्धारित ९० मिनेट बराबरीमै सकियो। थपिएको ३० मिनेटको अतिरिक्त समयको ९८ औं मिनेटमा जोन स्टोन्सको हेडरमा सिमे भारसाल्कोले खालि पोष्टबाट बल क्लियर गर्दै क्रोएसियाको संकट टारेका थिए।

पिकफोर्ड १ सय नवौं मिनेटमा भने मान्जुकिचलार्य रोक्न सकेनन्। डिफेन्सले क्लियर गर्न नसकेको बल पेरिसिचले मान्जुकिचलाई पेनाल्टी क्षेत्रमा उपलब्ध गराएका थिए। त्यसमा उनको बाया खुट्टाको फिनिसिङ उत्कृष्ट रहन पुगेपछि र क्रोएसिया २—१ ले उत्साहित बनायो ।

यसअघि विश्व्कप १९९८ को अन्तिम चारमा उसलाई आयोजक फ्रान्सले पराजित गरेको थियो। यस पटक आशा र चर्चा गरिएको अर्जेन्टिना, ब्राजिल र जर्मनी निकै फिका रुपमा क्वाटरफाइनल चरणमा पुग्दा नपुग्दै पराजित भएका थिए ।