काठमाडौं,१ श्रावन । नविल बैंकले एकै पटक १२ वटा शाखा संचालनमा ल्याएको छ ।
नविल बैंकले मंगलबार कर्णाली प्रदेश तथा प्रदेश ७ र प्रदेश ५ का विभिन्न गाउँपालिकाहरुमा १२ वटा शाखा आजैबाट कारोबार सूरु हुनेगरी संचालनमा ल्याएको हो ।

मंगलबार अर्थमन्त्री डा. युवराज खतिवडाले काठमाडौंमा अनलाईनमार्फत् १२ वटा शाखाको उद्घाटन गर्नु भयो । कर्णाली प्रदेशमा ५, प्रदेश ५ मा १ र प्रदेश ७ मा ६ वटा नबिल बैंकका शाखाहरु संचालन गरिएका छन ।

बैंकका प्रमुख कार्यकारी अधिकृत अनिलकेशरी शाहले नेपाल राष्ट्र बैंकको निर्देशन अनुसार एकै पटक १२ वटा शाखा संचालनमा ल्याइएको बताउनु भयो । उहाँले सबै शाखामा आजैबाट कारोबार पनि सुरु गरिएको जानकारी दिनु भयो ।

१२ वटा थप भएसँगै नविक बैंकको देशभर ७४ वटा शाखा संचालनमा आएको छ । १ सय १५ वटा एटिएमहरुको संरचना र १ हजार ५ सय भन्दाबढि नबिल रेमिट एजेन्टको प्रभावकारी परिचालनमार्फत् सेवाग्राहीलाई थप सन्तुष्टि प्रदान गर्ने बैंकको दावी छ ।

बैंकले स्थानीय तहमा संचालन गरिएका शाखाहरुको सुरक्षाको उचित व्यवस्था गर्न सरकारसँग माग पनि गरेको छ ।