बीरगंज,  ४  साउन । आन्तरिक राजश्व कार्यालय पर्साले २०७४/२०७५ को आर्थिक बर्षमा लक्ष्य भन्दा २८ प्रतिशत राजश्व बढी असुली गर्न सफल भएको छ ।
राजश्व बिभागले २०७४/२०७५ आर्थिक बर्षमा दिएको लक्ष्य भन्दा १ अर्व ४२ करोड ८२ लाख ४९ हजार रुपैया बढी असुली गर्न आन्तरिक राजश्व कार्यालय पर्सा सफल भएको हो ।

राजश्व बिभागले २०७४/२०७५ को आर्थिक बर्षमा ५ अर्व ३२ करोड ९८ लाख ६६ हजार रुपैया राजश्व असुली गर्न लक्ष्य दिएकोमा आन्तरिक राजश्व कार्यालय पर्साले ६ अर्व ८३ करोड २३ लाख १५ हजार रुपैया असुली गर्न सफल भएको हो ।
आन्तरिक राजश्व कार्यालय पर्साले २०७४/२०७५ श्रावण देखी असार मसान्त सम्मको एक बर्षमा सब भन्दा बढी राजश्व मुल्य अभिबृद्धी कर भ्याटबाट र आयकरबाट बढी राजश्व असुली गर्न सफल भएको छ भने सब भन्दा कम राजश्व शिक्षा र स्वास्थबाट कम राजश्व असुली गरेको छ ।

राजश्व बिभागले आन्तरिक राजश्व कार्यालय पर्सालाई २०७४/२०७५ को आर्थिक बर्षमा दिएको कुल लक्ष्य ५ अर्व ३२ करोड ९८ लाख ६६ हजार रुपैया मध्ये कार्यालयले अन्तःशुल्क करबाट मात्र ४ अर्व ५६ करोड ४४ लाख ५३ हजार रुपैया राजश्व असुली गर्न सफल भएको छ ।
कार्यालयले सब भन्दा राजश्व बढी राजश्व असुली अन्त शुल्ककरबाट असुली गरेको छ भने दोस्रो मुल्य अभिबृद्धी कर ( भ्याट ) बाट ८७ करोड ७५ लाख ९३ हजार रुपैया लक्ष्य रहेकोमा १ अर्व १२ करोड १४ लाख ८ हजार रुपैया राजश्व असुली गरेको आन्तरिक राजश्व कार्यालय पर्साका प्रमुख गोपी कोईरालाले जनाएकाछन ।

गत आर्थिक बर्ष २०७३/२०७४ को तुलनामा १ सय ६७ प्रतिशत राजश्व बढी असुली गर्न सफल भएको कार्यालयका प्रमुख कोईरालाले बताए ।
२०७३/२०७४ गत आर्थिक बर्षको मसान्त सम्ममा आयकर र मुल्य अभिबृद्धीकर भ्याटबाट बक्यौता कुल ९४ करोड १३ लाख ५ हजार ४ सय ३४ रुपैया ६६ पैसा बाकी असुली गर्नु पर्ने रहेकोमा २८ करोड ६० लाख ३१ ह्जार रुपैया बक्यौता असुली गरेको आन्तरिक राजश्व कार्यालयले जनाएको छ ।