पोखरा, ४ भाद्र । पोखराको न्यूरोडमा गएराति तीन वटा पसलमा आगलागी हुदा करिब ७५ लाख बराबरको धनमाल जलेर नष्ट भएको छ ।

पोखरा महानगरपालिकाको कार्यालय भन्दा करिब ३ सय मिटर तल रहेको नबिन सन स्टार टे«डर्स, सुजल किरण किराना पसल र फेसबुक फुड क्याफेको स्टोरमा मध्यराती आगलागी हुदा उक्त क्षति भएको हो ।

नवीन श्रेष्ठले सञ्चालन गरेको नव सन स्टार ट्रेडर्समा रहेका सोलारका चिम्नी, युरोगार्ड तथा मुनलाईत किचन लगायतका सामानहरु जल्दा करिब ४० लाख र फुड क्याफे तथा नान हाउसको स्टोरमा राखिएको सामान जल्दा करिब ५ लाख बराबरको क्षति भएको श्रेष्ठले बताए ।

सोही सटर सँगै जोडिएर रहेको सुजल किरण किराना पसलका खाद्यान्नका सामान जलेर नष्ट हुदा करिब २५ लाख बराबरको क्षति भएको सञ्चालक कोपिला नेपालीले बताईन ।

जिल्ला प्रहरी कार्यालय कास्कीले राति आगलागी भएकाले ढिलो जानकारी पाउँदा धेरै क्षति हुन पुगेको बताएको छ, भने विद्युत सर्ट भई आगलागी भएको हुनसक्ने अनुमान गरेको छ ।