काठमाडौं,२५ भाद्र । पत्रकार तथा लेखक कृष्ण आचार्यको पहिलो उपन्यास ‘अप्रिल फुल’ सार्वजनिक भएको छ।

नेपाल प्रज्ञा प्रतिष्ठानको डबलीमा एक कार्यक्रमको बीच उनको उपन्यास सार्वजनिक भएको हो।

साहित्यकार कृष्ण धारावासी, कवि ज्योति जंगल र गायक हेमन्त शर्माले सामूहिक रूपमा उपन्यास सार्वजनिक गरेका हुन्।

उपन्यास सार्वजनिक गर्दै कवि ज्योति जंगलले उपन्यास समय सापेक्ष भएकाले यसले सबैको मन जित्ने विश्वास व्यक्त गरिकी छन ।

गायक हेमन्त शर्माले यो उपन्यास समय सापेक्षिक र युवा केन्द्रीत भएको धारण राखेका छन । उनले बजारमा खुबै चलेका भनिएका उपन्यासभन्दा अप्रिल फुल कुनै कुरामा कम नभएको बताएका छन ।

साहित्यकार कृष्ण धारावासीले ‘अप्रिल फुल’ उपन्यासलाई किशोर साहित्यको संज्ञा दिएका छन्। यो पुस्तक १३ वर्ष देखि १८ वर्षसम्मको युवाको सोचाइ र भावना समेटिएको उनले बताएका छन।

लेखक आचार्यले ‘अप्रिल फुल’ उपन्यास यो समयको सत्यतालाई फिक्सनमा रुपान्तरण गरेको बताए। ‘ यो उपन्यास लेख्न उनलाई ४ वर्ष लागेको बताए । उपन्यासभित्र पाठकले आफू र आफ्नो सामाजिक परिवेश पाउनेछन् ।’ उपन्यासले मनोरञ्जनका साथै ज्ञान पनि दिन खोजेको उनले बताएका छन ।