भक्तपुर । दशैंको वेलामा समाजमा चोरी,डकैती जस्ता विभिन्न अपराधिक गतिविधिहरु अलि बढिनै हुने गर्दछन् । समाजमा गलत मसाय बोकेका मानिसहरु सक्रियताको कोही पनि सिकार नबनुन भनेर भक्तपुर प्रहरीले दशै सुरक्षा योजना सार्वजनीक गरेको छ । समाजलाई विगार्ने तत्वबाट समाजलाइ जोगाउन भक्तपुर प्रहरी दिन रात नभनी निरन्तर खटिरहेने जनाइएको छ ।

महानगरीय प्रहरी परिसर भक्तपुरले दशैं, तिहारमा हुने चोरी, डकैती र विभिन्न आपराधिक घटना रोक्न सुरक्षा योजना सार्वजनिक गरेको छ । प्रहरी परिसर भक्तपुरले दशैं, तिहार र छठ पर्वको मौका छोपी हुने कुनै पनि आपराधिक घटना घटाउने समुहलाई समाजमा सक्रिय हुन नदिन विशेष सुरक्षा योजना सार्वजनिक गरेको महानगरिय प्रहरी परिसर भक्तपुरका प्रमुख प्रहरी उपरिक्षक हिमालय कुमार श्रेष्ठले जानकारी दिए । उनले समाजमा हुने हरेक आपराधिक गतिविधिलाई नियन्त्रणमा लिने भक्तपुर प्रहरीको पहिलो प्राथमिकतामा रहेको बताए ।

अहिले भक्तपुर प्रहरीका वृत्त,प्रभाग तथा इकाइहरु अरुवेलाको भन्दा बढिनै सक्रिय रहेका छन् । प्रहरीले बैंक, वित्तिय संस्था, सुनचादी पसललगायत आर्थिक कारोबार हुने स्थानमा प्रहरिको निगरानी बढाएको श्रेष्ठको भनाइ छ । भक्तपुरका ग्रामीण क्षेत्रमा मोबाइल तथा पैदल गस्ती,मुख्य राजमार्ग तथा सहायक राजमार्गमा हुने आपराधिक गतिविधि र सडक दुर्घटना नियन्त्रण गर्न प्रहरी बढि सक्रिय रहेको श्रेष्ठको भनाइ छ ।

पछिल्लो समय अरनिको राजमार्गमा हुने सवारी दुर्घटना अझ चुनौतिको रुपमा देखापरेको र यसलाई न्यूनिकरण गर्न सम्पूर्ण सरोकारवाला एक भएर लाग्नु पर्ने श्रेष्ठको भनाइ छ । यस सडक खण्डमा हुने सवारी दुर्घनालाई कमगर्न भक्तपुर प्रहरीको विशेष योजना रहेको श्रेष्ठको भनाइ छ ।

समाजमा हुने हरेक किसिमका अपराधलाई नियन्त्रण गर्ने जिमेवारी प्रहरीको मात्रै नभइ आम नागरिक त्यतिनै जिम्मेवार हुने भएकाले भक्तपुरमा शान्ति सुरक्षा कायम गर्न सबै भक्तपुर बासी नै जिम्मेवार बन्नु पर्ने प्रहरी उपरिक्षक श्रेष्ठको कथन छ ।

समाजमा हुने सामाजिक कुरिती र कुसस्कारका विरुद्ध लडन नेपाल प्रहरीको मात्रै कर्तव्य हो भन्ने सोच्नु गल्ती हुन जान्छ । समाजमा बस्ने हरेक नागरिकले आफ्नो समाजलाई शान्ति सुरक्षाको प्रत्याभूति दिलाउन महत्वपूर्ण भूमिका खेल्नु नै सबैको कर्तव्य भित्र पर्दछ । यही कर्तव्यको पालना गर्दै अपराध मुत्त समाज बनाउने हरेक अभियानमा साथ दिनु सबैको दायित्व हुन जान्छ । दशैंको वेला मात्रै होइन समाजमा जहिले पनि अमनचयन कायम गर्न सबैले ध्यान दिने हो कि ?