काठमाडौं, ६ कात्तिक ।  नेपालको चर्चित रियालिटि सो नेपाल आइडलमा उत्कृष्ट प्रस्तुति दिएर आम दर्शकमाझ प्रिय बनेका छन्, सुमित पाठक ।

कर्णप्रिय आवाजका कारण अडिसनमै गोल्डेन माइक हात पार्न सफल सुमित यतिखेर भोटिङ राउण्डको चरणमा छन् । जादुमय आवाजका कारण सर्वप्रिय बनेका सुमितलाई नेपाल आइडल बन्न अब जनमतको खाँचो छ ।

त्यसैले उनको समर्थनमा अहिले देशका विभिन्न स्थानमा सुमित जीताउँ अभियान नै चलेको छ । झापा घर भएका १९ बर्षिय गायक सुमित पाठकको नेपाल आइडल यात्रामा अगाडी बढ्न, उनले आम देशवासीमाझ आफुलाई भोट गरेर जिताउन अनुरोध गरेका छन् । सुमितलाई भोट गर्नको लागि मोबाइलको म्यासेज बक्समा गएर 12 टाइप गरि 31009 मा सेण्ड गर्नुपर्ने हुन्छ । १० बर्षको हुँदा आमाको मायाँ गुमाएका सुमितको गायन संघर्ष जारी नै छ ।

यसअघि चलचित्र ‘अमेरिका बोईज’मा समावेश आमा बोलको गीत गाएर सुमित चर्चामा आएका थिए । नेपाल आइडल बन्ने दृढ सपना बोकेर काठमाण्डौँ आएका सुमितले पप, आधुनिक, प्लेब्याक सिङ्गिङ तथा सेमिक्लासिकल सबै विधामा आफ्नो भर्सटालिटी देखइसकेका छन् । सुमित आइडलको आशालाग्दो दाबेदार हुन् । त्यसैले उनलाई सक्दो भोट गर्न सबैले आग्रह गरेका छन् । नेपाली संगीतको क्षेत्रमा निरन्तर संघर्षरत उनी गायनलाई नै आफ्नो करियर बनाउने बताउँछन् ।