काठमाडौं,१९ कात्तिक । चलचित्र तयार भएको लामो समय भइसकेको र प्रदर्शनमा भने ढिला भएकोमा निर्माण पक्ष सम्पुर्ण दर्शक समक्ष माफि माग्दै भनेका छन् अब प्रतिक्षाको समय सकिनै लागेको छ ।

केहि समय पहिले कलंकि हलमा गरिएको च्यारिटि शो पश्चात दर्शकहरु कोईला चलचित्रको प्रदर्शनको पर्खाईमा बसेका छन् , च्यारीटि शोमा चलचित्रले राम्रो प्रतिक्रिया पाएसँगै व्यवसायिक रुपले पनि सफलता पाउने विश्वास निर्माण पक्षले लिएका छन् ।

चलचित्र “कोईला” यस अघि वैशाख २१ मा दर्शक माँझ आउने मिति तय भैसकेतापनि उक्त मितिमा धेरै चलचित्र एक साथ लाग्ने भएको कारण आफ्नो प्रदर्शन मिति पछि सारेको र अब भने मंसिर ७ मा प्रदर्शन गर्ने तय भएको निर्माण पक्षले बताएका छन् ।

चलचित्र “कोईला” आरोहि फिल्मस्को व्यानरमा निर्माता बिजे शर्माले निर्माण गरेका हुन् भने, चलचित्रको कथा सुदिप आत्रेयले लेखेका हुन् । चलचित्रमा एक्सन नायकको रुपमा आफुलाई चिनाउन सफल नायक प्रज्वल गिरी,सोनीया गिरी,ममता खड्का,ध्रुब कोईराला,किरण थापा,कालु राणा,देब नेपाल, रामचन्द्र अधिकारी सुरज पराजुली, दिपेन्द्र कोईराला, पुजा रिजाल, रमन बिन्दास, अभिषेक गिरी, लगाएत कलाकारहरुको सशक्त अभिनय देख्न सकिन्छ ।

गजेन्द्र रञ्जित निर्देशित उक्त चलचित्रको छायाकंन मदन कस्यप घिमिरेले गर्नुभएको छ । चलचित्रमा नेपालकै एक सुकुम्बासिको कथा व्यथालाई समाबेश गरिएको र चलचित्र हेर्न हल पुग्नुहुने दर्शकहरुलाई चलचित्रले २ घण्टाको अवधि ढुक्कका साथ बाँधेर राख्नेमा ढुक्क रहने निर्माण पक्ष बताउछन्  ।

चलचित्र हासोे, रोदन, एक्सन समाबेश एक पुर्णतया मानोरञ्जन दिलाउने चलचित्र बनेकोमा ढुक्क छन् निर्माण पक्ष चलचित्रमा पछिल्लो समयका व्यस्थ यूवा द्धन्द निर्देशक श्रृ -श्रेष्ठले गर्नु भएको छ ।