काठमाडौं,२० कात्तिक । पुनमले निर्माण गर्न लागेको नयाँ नेपाली चलचित्रमा नायिका साम्राज्ञी राज्यलक्ष्मी शाह अनुबन्धित भएकी छन् ।

इन्टरटेनमेन्टकी प्रमुख तथा निर्माता पुनम गौतम क्षेत्रीले आफ्नो नयाँ नेपाली चलचित्रमा साम्राज्ञीलाई अनुबन्ध गरेकी हुन । ‘उनले भनिन् पटकथाको पहिलो ड्राफ्ट तयार भएदेखि नै साम्राज्ञी हाम्रो पहिलो रोजाइमा थिइन् । एउटा सुन्दर फिल्म बनाउने हाम्रो अभिलाषा साम्राज्ञीको आगमनसँगै झन् मजबुत भएको छ ।’

नायिका साम्राज्ञीले पनि चलचित्रको कथा रोचक लागेकोले गर्दा अभिनयका लागि राजी भएको बताएकी छन ।

‘इन्टु मिन्टु लन्डन’मा पछि जति पनि कथा सुनिरहेकी थिएँ त्यसमा यो फिल्मको कथा बिल्कुलै फरक रहेको उनले बताइन । साम्राज्ञीले भनीन् कथासँगै निर्माण टिम पनि राम्रो लागेकाले यो फिल्म गर्न राजी भएकी हुँ,’ ।

फिल्ममा साम्राज्ञीको आगमनसँगै मुख्य भूमिकामा अभिनय गर्ने कलाकारको टुंगो लागेको निर्माता गौतमले बताएकी छन । फिल्ममा यसअघि नै पुष्प खड्का र रेबिका गुरुङ फाइनल भइसकेका छन् ।

माघको दोस्रो हप्ताबाट फ्लोरमा जाने फिल्मको नाम भने निर्माण टिमले अहिलेसम्म पनि सार्वजनिक गरेको छैन । बाँकी कलाकार र नामऔपचारिक कार्यक्रम गर्दै सार्वजनिक गर्ने निर्माण टिमको तयारी रहेको निर्माता गौतमले बताइन् । गोविन्द फुयाँलको लेखन रहेको यस फिल्मलाई नवल नेपालले निर्देशन गर्दैछन् ।

फिल्मको छायाँकारको रुपमा पनि सञ्जय लामा अनुबन्धित भइसकेका छन् । फिल्ममा अर्जुन पोखरेल र कृष्ण काफ्लेको संगीत रहने छ भने, निर्माणमा पुनम गौतमलाई राजा प्रधानले सघाउने भएका छन ।