काठमाडौं,५पुस । चलचित्र ‘जीरो’ फिल्मकी अभिनेत्री  कट्रिना केफले चित्त दुखाएकी छिन् । शुक्रबार रिलिज हुन लागेको ‘जीरो’ फिल्ममा नाम राख्ने क्रममा अनुष्का शर्माको नाम कट्रिना केफको भन्दा अगाडि राखिएकोले  केफले चित्त दुखाएकी हुन । अभिनेता शाहरुख खानको हरेक फिल्ममा उनको नामभन्दा अगाडि अभिनेत्रीहरुको नाम लेख्ने चलन रहेको थियो ।

यतिबेला अभिनेत्री कट्रिना केफमाथि अन्याय भएको समेत चर्चा हुन लागेको छ । फिल्म ‘जीरो’ मा सबैभन्दा अगाडि अभिनेत्री अनुष्का शर्माको नाम राखिएको छ र त्यसपछि कट्रिना केफको नाम र त्यस पछाडि अभिनेता शाहरुख खानको नाम राखिएको छ ।

अनुष्का शर्माभन्दा अगाडि कट्रिना केफको नाम राखिनुपर्ने भन्ने चर्चा चलिरहेको बताइएको छ । किनकि कट्रिनाले अनुष्काको भन्दा धेरै अगाडि बलिउड करियर सुरु गरेकी थिइन् ।

आनन्द एल रायको निर्देशनमा बनेको फिल्म ‘जीरो’ यसै शुक्रबार २१ डिसेम्बरमा प्रदर्शन हुन लागेको छ ।

फिल्म ‘जीरो’ निर्माण यूनिटले एक सदस्यका अनुसार यसरी नाम राख्दा यस विषयमा ध्यान नदिएको बताएका छन् । साथै यस फिल्ममा अनुष्का शर्माको भूमिका कट्रिनाको भन्दा धेरै पनि नरहेको बताइएको छ ।

यस फिल्ममा अनुष्का र कट्रिना दुवैको भूमिका बराबर रहेको र दुवैजना आफ्नो भूमिकाप्रति खुशी रहेको समेत बताइएको छ ।