काठमाडौं, ७ पुस । चर्चित गायक राजेश पायल राईको नयाँ गीत सार्वजनिक भएको छ । ‘अलमलमा परे…’ बोलको गीत सार्वजनिक भएको हो ।गीतमा चर्चित युवा संगीतकार अनिश श्रेष्ठको संगीत रहेको छ । छिरिङ्ग शेर्पा ‘अविरल’को गिती एल्बम शुभकामना(२ मा समावेश यस गीतमा शेर्पाकै शब्द रहेको छ ।
संगीतकार अनिशले नै निर्देशन गरेको म्यूजिक भिडियोमा चन्द्र पुलामी र नग्मा श्रेष्ठको मुख्य अभिनय देख्न सकिन्छ भने, सुरेन्द्र श्रेष्ठले खिचेको भिडियो श्रेष्ठ आफैले सम्पादन पनि गरेका हुन् । बौद्द स्तुपा र इचंगु नारायणको मनमोहक दृश्य भिडियोमा देख्न सकिन्छ । भिडियोमा शृंगार वबिता श्रेष्ठले गरेकी छन ।
गीत तथा भिडियोलाई आम श्रोता दर्शकले मन पराइदिनेमा संगीतकार तथा निर्देशक अनिश विश्वस्त छन् । गीत हेरेर प्रतिक्रिया दिन सबैमाझ उनले आग्रह समेत गरेका छन् ।
प्रतिक्रिया दिनुहोस्