काठमाडौं,९ पुस । भजन क्षेत्रमा आफ्नो छुट्टै पहिचान बनाएका गायक राम थापाको नयाँ लोक दोहोरी गित ‘काँचो बयर’ सार्वजनिक भएको छ। गायक थापाले भजनको यात्रा संग संगै नयाँ लोक दोहोरी गित सार्वजनिक गरेका हुन ।

सि. पि. मगरको लय शब्दमा रहेको यस गीतमा गायक थापा र चर्चित गायिका शान्ति श्री परियारको स्वर रहेको छ । मगरको सिर्जनाले सबै श्रोताहरुको मन जित्न सफल भएको छ।

गायक थापाको उक्त गितलाई पुर्व प्रधानमन्त्री एवं ने.क.पा.का अध्यक्ष पुष्पकमल दाहाल प्रचण्डले बिमोचन गरेका छन । कार्यक्रममा ने. क. पा.का सचिव बिष्णु पौडेल, भरतपुर महानगरपालिकाकी मेयर रेनु दाहाल उपस्थित रहेका थिए ।

कामना डिजिटल प्रा.लि. को प्रस्तुतिमा म्युजिक नेपालद्वारा बजारमा ल्याइएको उक्त गितको भिडियोमा भरत थपलिया तथा भावना बन्जाराको उत्कृष्ट अभिनय रहेको छ। निर्देशन दिपक चौधरीले गरेका छन भने, सहायक निर्देशन खेम खनालले गरेका छन ।