काठमाडौं,२२ माघ । चर्चित संगीतकार तथा गायक चेतन सापकोटा र नेकपाका अध्यक्ष पुष्प कमल दाहाल ‘प्रचण्ड’की नातिनी स्मिता दाहालको ‘मारुनी गीत’ सार्वजनिक भएको छ । यो गीत वि स्टार नेपालको अफिसियल यु ट्युब च्यानल मार्फत भिडियोसहित सार्वजनिक गरिएको हो ।
बिष्णु प्रसाद घिमिरेको शब्द रहेको यस गीतमा संगित तथा स्वर चेतन सापकोटा र स्मिता दाहालको रहेको छ । गीतको सम्पादन भने, टेकेन्द« शाहले गरेका छन् । उक्त भिडियोको छायांकन राम केसीले गरेका छन् भने निर्देशन शिशिर खातीले गरेका छन् ।
यस गीतको म्युजिक भिडियोमा स्वयं चेतन सापकोटा, प्रियंका भण्डारी, कमल श्रेष्ठ, बिष्णु, मेलिना र चितवनका थारु कलाकाहरुले नृत्य गरेका छन् । गीतमा थारू समुदायमा माघी मेलाको बेलामा गरिने रमाइलो पक्षहरूलाइ देखाउन खोजिएको छ ।
प्रतिक्रिया दिनुहोस्