जनबादी गायक जिवन शर्माले नेकपा मसालबाट कारवाहि गर्दा लगाईएको आरोपका सम्बन्धमा आरोप प्रमाणीत गर्न चुनौती दिएकाछन् । पार्टीसंगको आफ्नो सम्बन्ध नखुलाई गायक शर्माले आफुमाथि लगाएको कुनै आरोप प्रमाणीत हन नसक्ने ठोकुवा गरेकाछन् । एबिसी न्युजको एबिसी बिशेषका लागि पत्रकार शरण कर्माचार्यसंग कुरा गर्दै शर्माले पार्टीले आफुलाई जापान नजान नभनेको, आफु पुर्णरुपमा सर्वहाराबादी जिवनशैलीमा चलेको, बर्गीय मुक्ति बाहेकका गित संगीत कहिं कतै प्रस्तुत नगरेको र आफ्नै नेतृत्वमा नेपालका धेरै भागहरुमा सयौं नयां प्रतिभाहरु जन्मीएको बताएकाछन् ।
केहि दिन पहिले बसेको नेकपा मसालको केन्द्रिय समितीले शर्मालाई पार्टीसंग अनुमति नलिई जापान गीत गाउन गएको, ब्यत्तिगत निर्णयका आधारमा चलेको, नयां प्रतिभालाई अवसर नदिएको तथा प्रचण्ड, माधव नेपाल, मोहन बैद्य लगायतका नेता सहभागि कार्यक्रममा गीत गाएको जस्ता आरोप लगाउंदै ६ महिनाका लागि पार्टीबाट निलम्बन गरेको समाचार सार्वजानीक भएको थियो । शर्माकै नेतृत्वमा २०४३ चैत्र २६ गते गठन भएको रक्तीम सांस्कृतिक परिवारबाट समेत गायक शर्माले राजिनामा दिएकाछन् । राजिनामा अघि मसालले शर्मालाई रक्तीम परिवारको अध्यक्षबाट हटाउने निर्णय गरेको समाचार समेत सार्वजानिक भएको थियो । एबिसीसंगको कुराकानीमा शर्माले नेतृत्वबाट हटेपनि जनमुक्तिका लागि क्रियाशिल जन कलाकारहरुसंगको साथ भने कायम रहेने बताए ।

२०३२ साल ताका गणीत र बिज्ञानको शिक्षकका रुपमा बागलुङमा पढाउन सुरु गएका जिवन शर्माले बेदना परिवारबाट आफ्नो सांगितीक अभियानको थालनी गरेका थिए । शर्माका १ हजार ५ सय बढी गीतहरु संगित बजारमा उपलब्ध छन् ।
तपाईलाई मसालले किन कारवाहि गरेको भनेर प्रश्न गर्दा पार्टीसंगको सम्बन्धकै बिषयमा शर्माले अनबिज्ञता प्रकट गरेका थिए । देश र जनताका गीतहरु सृजना गर्ने क्रममा शर्माले रचना गरेका गीतहरुले बिशेष गरि नेपालका कम्युनिष्ट पार्टीका कार्यहरुलाई सम्बोधन गर्ने गरेको पाईन्छ ।

माओबादी जनयुद्धमाथि सरकारी दमन चकेका बेला “आधिरातमा हुरी चल्दा, आधि अनि तुफान चल्दा । आकाशैमा कालोनिलो मुसलधारे पानी पर्दा म त्यहि आउने छु” भन्ने गित रचना गर्दै माओबादी योद्धाहरुलाई प्रोत्साहन गरेका थिए शर्माले । माओबादीहरुले नै जातका आधारमा , समुदायका आधारमा स्वायत्त प्रदेशहरु घोषणा गर्दै गर्दा फेरी शर्माको अर्को रचना आयो “ मधेसी पहाडी हिमालका हिमाली, सयांै जाती जनजाती हामी सबै नेपाली” । पछिल्लो समय कम्युनिष्ट पार्टीका नेताहरुको जिवनशैलीमा सामन्ती शैलीको बिकास भएको देखेपछि शर्मा गांउदै छन् “ चाहिंदैन मलाई शिशाको महल, चाहिंदैन मलाई चमेलीको बास” । पछिल्लो शर्माको यसै गितमा “जता हे¥र्यो त्यतै देख्छु असत्यको खेती सत्य कुरा गर्नेलाई रोक्छन् बाटो छेकी” भन्ने शब्द मसालको नेतृत्व प्रति केन्द्रित थियो भनिएको छ । नेकपा मसालको आसन्न महाधिवेशनमा महामन्त्री मोहन बिक्रम सिंहको बिपक्षमा फरक मत दर्ज गरेका बागलुङका एक नेताका पक्षमा जिवन शर्माले मत जाहेर गरेपछि उनीमाथि कारवाहि भएको बताईएको छ । यद्देपी शर्माले कारवाहिका बिषयमा आफुलाई कुनै जानकारी नभएको बताएकाछन् ।