काठमाण्डौं , २६ असोज । ओमार बोरकान अल गाला अर्थात विश्वका सुन्दर युवा । जो, सुन्दरताकै कारण देश निकालामा परे । सुन्दा अचम्म लाग्ला तर यी साउदीका २७ वर्षीय अभिनेता, मोडलले सुन्दर भएकै कारण देशबाट सन् २०१३ तिर देश निकालामा परेका थिए ।

साउदी अरेबिया सरकारले रियाद (साउदीको पर्व) को अवसरमा उनी सगै अरु दुई जना इमरातीहरुलाई पनि सुन्दर भएकै कारण देश निकाला गरेको थियो । कट्टर धार्मिक मुल्यमान्यता र नियममा चल्ने बन्द अरवीयन सरकारलाई यो डर थियो कि महिलाहरु उनीहरुको रुपमा लठ्ठ पर्नेछन् ।

कट्टर सुन्नी मुस्लीम देश साउदी अरवियामा राजतन्त्र छ । र, अपरिचित महिला पुरुषबीच कुराकानी गर्न अवैधानिक मानिन्छ । महिलाहरु उनीहरु प्रति आकर्षीत नहुन् भनेर साउदी सरकारले ओमार सहित अन्य तीनलाई देश निकाला गरेको थियो । एकथरीले देश निकालामा पर्ने व्यक्ति ओमार नभई अरु नै हुन सक्ने र उक्त घटनालाई ओमारले आफुलाई प्रोमोट गर्न प्रयोग गरेको शंका गरेका छन् भने अर्को थरीले उक्त व्यक्ति ओमार नै भएको विश्वास गर्छन् । सुन्दर भएकै कारण देश निकालामा परेका यी युवा यतिखेर के गर्दै होलान ? कसैलाई पनि थाहा छैन ।

को हुन् ओमार बोकरान अल गाला ?
सन् १९९० सेप्टेम्बर २३ बाघदाह इराकमा जन्मेका ओमार बोकरान अल गाला पेशाले मोडल, फेसन फोटोग्राफर र अभिनेता हुन् । इराकमा जन्मे पनि उनी दुबाईमा हुर्किएका थिए । उनको भाई एन बोकरान अल गाला पनि पेशाले मोडल छन् । १८ बर्षको उमेरमै मोडलिङ करिअर सुरु गरेका ओमारले सामसुङ लगाएतका थुप्रै ब्रान्डका लागि मोडलिङ गरेका छन् । तर, सुन्दर भएकै कारण देश निकालामा परेर उनको अभिनय यात्रा अब भने कुन मोडमा पुग्यो भन्ने कसैलाई पनि थाहा छैन ।