काठमाडौं १५ असार । आफूले सरकार छोड्दा वेरोजगारमुक्त देश बनाउने चाहना रहेको प्रधानमन्त्री केपी शर्मा ओलीले स्पष्ट गर्नु भयो ।
देशको विकास निर्माण र रोजगारी सिर्जना गर्नका लागि सत्ता पक्ष र प्रतिपक्ष नहुने प्रधानमन्त्री केपी शर्मा ओलीले बताउनु भएको छ । राष्ट्रिय श्रम तथा रोजगार सम्मेलनको उद्घाटन गर्दै प्रधानमन्त्री ओलीले निर्वाचनका बेला सत्तापक्ष र प्रतिपक्षका बीचमा प्रतिस्पर्धा हुन्छ तर चुनावपछि देशको समृद्धिमा सबै लाग्नु पर्ने बताउनु भयो ।
नेपाल प्रशस्त्र प्राकृतिक स्रोत र साधन भएर पनि रोजगारी सिर्जना गर्न नसक्नु विडम्वना भएको उहाँले बताउनु भयो ।
सम्मेलनमा श्रम तथा रोजगार मन्त्री गोकर्ण विष्टले आगामी एक बर्षभित्र कम्तीमा एक लाख भन्दा बढी रोजगारी सिर्जना गर्ने लक्ष्य रहेको बताउनु भयो ।
श्रम सम्मेलन आज र भोलि दुई दिनसम्म चल्ने मन्त्री विष्टले बताउनु भयो ।