काठमाडौं, १० कात्तिक । सिरियाको पूर्वी भू–भागमा रहेका दुई सैन्य अखडामा अमेरिकाले आक्रमण गरेको छ । अमेरिकी सेनाको आत्मरक्षाका लागि हवाई आक्रमण गरेको अमेरिकी रक्षामन्त्री लोयर्ड अस्टनले बताएका बीबीसीले जनाएको छ ।
रक्षामन्त्री अस्टिनले अमेरिकी सेनामाथि इरान समर्थित आक्रमण स्वीकार गर्न नसकिने भन्दै यसलाई रोकिने बताएका छन् ।
गाजामा तनाव बढेयता एक सातामा इराकमा १२ पटक र सिरियामा चार पटक अमेरिकी सैनिक क्याम्पमा आक्रमण भएको छ । ड्रोन र रकेटमार्फत भएका आक्रमण भएको छ । उक्त आक्रमणमा २१ अमेरिकी सैनिक घाइते भएका छन् । अहिले इराकमा २५ सय र सिरियामा ९०० अमेरिकी सैनिक तैनाथ छन् ।
प्रतिक्रिया दिनुहोस्