काठमाडौं, ३ फागुन । नवनिर्वाचित प्रधानमन्त्री केपी शर्मा ओलीले सम्पूर्ण इमानदारीका साथ साथ काम गर्ने बताउनुभएको छ ।
संसदीय दलको बैठकलाई सम्बोधन गर्दै ओलीले सामर्थ्य र अवधीको सीमा भए पनि इमानको सीमा नहुने बताउदै उहाँले भन्नुभयो, ‘देशको हितलाई सर्वोपरी राखेर काम गर्छौ ।’
देशको आवश्यकता र जनचाहना पूरा गर्न सशक्त संगठन चाहिने र त्यो एमालेसैग रहेको उहाँको दावी थियो ।
स्थानीय तहमा १४ हजार बढी जनप्रतिनिधि र सात प्रदेश मध्ये ६ मा सरकार रहेको भन्दै उहाले देशलाई विकास र सम्बृद्धि चाहिएको छ । जनतालाई सुख चाहिएको छ त्यो पुरा गर्नुपर्छ ।’ ढिलासुस्ती र निष्क्रियता स्वीकार्य नहुने उहाँले बताउनुभयो ।
प्रतिक्रिया दिनुहोस्