काठमाडौं ११ असार । मंगलबार बिहान हङकङको हाङहाउ उत्तरतर्फ जाँदै गरेको काउलुन मोटर बस ९केएमबी०लाई सानपो कङमा ट्रकले ठक्कर दिएको छ।
दुर्घटनाका कारण यात्रुबाहक बसको दाहिने छेउका झ्यालहरू चकनाचुर भई सिटमा छरपस्ट भएका थिए।
दुर्घटनालाई पुष्टि गर्दै केएमबीले रुट ९८सी बस दुर्घटनामा परेको जनाएको छ। साथै, बसका कुनै पनि यात्रु घाइते नभएको पनि कम्पनीले स्पष्ट पारेको छ।
यता बसलाई ठक्कर दिने ट्रकका चालक भने सामान्य घाइते भएका छन्। उनलाई उपचारार्थ अस्पताल लगिएको छ।
क्वुन तोङतर्फ जाँदै गरेको ट्रक मिकीकी सपिङ सेन्टर नजिकै पुग्दा नियन्त्रण गुमाएर फलामको बारमा ठोकिँदै बसलाई धक्का दिन पुगेको थियो।
प्रतिक्रिया दिनुहोस्