काठमाडौं । टोयोटा नेपालले नाइमा अटो शो २०२६ को अवसर पारेर आफ्ना ग्राहकका लागि विशेष योजना सार्वजनिक गरेको छ। कम्पनीका अनुसार अगस्ट ११ देखि १६ सम्म काठमाडौंमा आयोजना हुने अटो शोमा टोयोटाका गाडी बुकिङ गर्ने ग्राहकले ३ लाख रुपैयाँदेखि २१ लाख रुपैयाँसम्मको छुटपाउनेछन्।

कम्पनीले यो अफरलाई यस वर्षको नाइमा अटो शोका लागि विशेष रूपमा ल्याइएको जनाएको छ। प्रदर्शनीकै अवसरमा टोयोटाले नेपाली बजारमा दुई नयाँ मोडल सार्वजनिक गर्ने तयारी समेत गरेको छ।

दुई नयाँ मोडल सार्वजनिक हुँदै

नाइमा अटो शो २०२६ टोयोटाका लागि नयाँ उत्पादन सार्वजनिक गर्ने महत्वपूर्ण अवसर बन्ने कम्पनीको भनाइ छ।

टोयोटाले दुई नयाँ मोडल नेपाली बजारमा प्रवेश गराउने तयारी गरेको छ। नयाँ मोडलको आगमनसँगै नेपाली बजारमा आफ्नो उत्पादन तथा सेवा विस्तार गर्दै ग्राहकलाई थप विकल्प उपलब्ध गराउने कम्पनीको लक्ष्य छ।

नयाँ उत्पादनसँगै ग्राहकले टोयोटाका विद्यमान मोडल तथा नयाँ मोडलको प्रत्यक्ष अवलोकन गर्न र कम्पनीका विभिन्न सुविधा तथा अफरबारे जानकारी लिन सक्नेछन्।

गाडी बुकिङमा २१ लाखसम्म बचत

नाइमा अटो शोको अवधिमा टोयोटाको गाडी बुकिङ गर्ने ग्राहकले न्यूनतम ३ लाखदेखि अधिकतम २१ लाख रुपैयाँसम्मको छुट प्राप्त गर्ने कम्पनीले जनाएको छ।

टोयोटा नेपालका अनुसार यो विशेष छुट अगस्ट ११ देखि १६ सम्म अटो शो अवधिमा गरिने बुकिङमा मात्र लागू हुनेछ।

यसका कारण टोयोटाका नयाँ वा विद्यमान मोडल खरिद गर्ने योजना बनाएका ग्राहकका लागि अटो शो विशेष अवसर बन्ने कम्पनीको अपेक्षा छ।

टोयोटाले ग्राहकलाई गाडी खरिदको अनुभवसँगै यात्राको अवसरसमेत जोडेको छ।

अटो शोमा टोयोटाको गाडी बुकिङ गर्ने ग्राहकहरूमध्येबाट भाग्यशाली एक जना विजेताले जोडीका रूपमा ‘एलाइट एक्सप्लोरर्स कन्याकुमारी ड्राइभ’मा सहभागी हुने अवसर पाउनेछन्।

यस योजनाले ग्राहकलाई केवल खरिदमा आधारित छुटभन्दा बाहिर गएर यात्रा तथा अनुभवसँग जोड्ने उद्देश्य राखेको कम्पनीले जनाएको छ।

सबै बुकिङकर्तालाई सामुदायिक यात्राको अवसर

टोयोटाले अटो शोमा गाडी बुकिङ गर्ने प्रत्येक ग्राहकलाई सामुदायिक यात्रामा सहभागी हुने अवसर समेत दिने जनाएको छ।

कम्पनीका अनुसार यस वर्षको विशेष अफरलाई केवल मूल्य छुटमा सीमित नराखी ग्राहकलाई बचत, नयाँ उत्पादन, यात्रा र सामुदायिक अनुभवसँग जोड्ने गरी तयार गरिएको हो।

नाइमा अटो शो २०२६ मा टोयोटाले आफ्ना विभिन्न मोडल प्रदर्शन गर्नुका साथै नयाँ उत्पादन सार्वजनिक गर्ने तयारी गरेको छ।

कम्पनीले ग्राहकलाई प्रदर्शनीमा आएर गाडीका विभिन्न मोडल अवलोकन गर्न, नयाँ मोडलका बारेमा जानकारी लिन तथा विशेष अफरको लाभ उठाउन आग्रह गरेको छ।

अगस्ट ११ देखि १६ सम्म आयोजना हुने नाइमा अटो शो २०२६ नेपाली अटोमोबाइल बजारका लागि नयाँ उत्पादन, प्रविधि र ग्राहककेन्द्रित योजनाहरू सार्वजनिक गर्ने महत्वपूर्ण मञ्चका रूपमा रहने अपेक्षा गरिएको छ। टोयोटाको विशेष छुट तथा यात्रासम्बन्धी योजनाले प्रदर्शनीमा ग्राहकको आकर्षण थप बढाउने देखिएको छ।

Originally published on abcnews.com.np.