कैलाली । कैलालीको कैलारी गाउँपालिका–४ स्थित सीमावर्ती क्षेत्रमा भारतबाट भन्सार छली गरेर ल्याइएको करिब ३३ लाख ९४ हजार ८०० रुपैयाँ बराबरको विभिन्न सामान प्रहरीले बरामद गरेको छ।

जिल्ला प्रहरी कार्यालय कैलालीका अनुसार मोबाइलका पार्टपुर्जा, चिनी, डोरीलगायतका सामान बेवारिसे अवस्थामा फेला पारिएको हो।

प्रहरीले सीमावर्ती क्षेत्रमा भन्सार छली तथा अवैध रूपमा सामान ओसारपसार हुने गतिविधि नियन्त्रण गर्न पछिल्लो समय निगरानी र गस्ती बढाएकोजनाएको छ।

जिल्ला प्रहरी कार्यालय कैलालीका सहप्रवक्ता प्रहरी निरीक्षक कैलाशसिंह विष्टका अनुसार बरामद सामान आवश्यक कानुनी कारबाहीका लागि भन्सार कार्यालय त्रिनगरमा बुझाइएको छ।

प्रहरीका अनुसार बरामद सामानमा मोबाइलका पार्टपुर्जा, चिनी, डोरीलगायत विभिन्न प्रकारका वस्तु छन्।

सीमावर्ती क्षेत्रमा हुने अवैध ओसारपसार नियन्त्रणका लागि नियमित गस्ती, निगरानी तथा शंकास्पद गतिविधिमाथि निगरानीलाई थप प्रभावकारी बनाइएको प्रहरीले जनाएको छ।

Originally published on abcnews.com.np.