बागलुङ । बडिगाड गाउँपालिका–१ की पूर्ण अपाङ्गता भएकी १७ वर्षीया किशोरीलाई जबरजस्ती करणी गरेको आरोपमा प्रहरीले एक जनालाई पक्राउ गरेको छ।

पक्राउ पर्नेमा बडिगाड गाउँपालिका–३ सिसाखानीका ३२ वर्षीय होम प्रतेल रहेका छन्।

प्रहरीका अनुसार पीडित किशोरी गत साउन २१ गते दिउँसो बडिगाड गाउँपालिका–१ घोरलोकस्थित विद्यालयबाट घर फर्किंदै थिइन्। सोही क्रममा प्रतेलले जबरजस्ती करणी गरेको भन्दै पीडित पक्षले प्रहरीमा जाहेरी दिएको हो।

जबरजस्ती करणीको आरोपमा पक्राउ परेका प्रतेलमाथि थप अनुसन्धानका लागि जिल्ला अदालत बागलुङबाट पाँच दिनको म्याद थप गरिएको जिल्ला प्रहरी कार्यालय बागलुङका प्रहरी नायव उपरीक्षक रामेश्वर त्वातीले जानकारी दिनुभयो।

प्रहरीले घटनाबारे थप अनुसन्धान भइरहेको जनाएको छ। अनुसन्धानका क्रममा घटनासम्बन्धी थप तथ्य खुल्ने प्रहरीले जनाएको छ।

Originally published on abcnews.com.np.