काठमाडौँ । सांसदहरू कहाँ जान्छन्, कुन कार्यक्रममा सहभागी हुन्छन्, बैठकमा उनीहरूको उपस्थिति कस्तो हुन्छ भन्नेबारे अब नागरिकले जानकारी लिन सक्ने भएका छन्।

सांसदहरूको गतिविधिबारे जानकारी उपलब्ध गराउने नयाँ सुविधा विकास गरिएको छ। यस सुविधामार्फत सांसदहरू विभिन्न कार्यक्रममा सहभागी भएको, बैठकमा उपस्थित भएको तथा अन्य सार्वजनिक गतिविधिबारे जानकारी प्राप्त गर्न सकिनेछ।

यो अतिरिक्त सुविधा भएकाले प्रयोगकर्ताले थप शुल्क तिर्नुपर्नेछ। इच्छुक व्यक्तिले [email protected] मा सम्पर्क गरी सुविधा लिन सक्नेछन्।

नागरिकलाई सांसदसँग जोड्ने उद्देश्य

सांसदहरूको गतिविधिबारे नागरिकलाई नियमित जानकारी उपलब्ध गराउनु यो सुविधाको मुख्य उद्देश्य रहेको बताइएको छ।

यसबाट नागरिकले आफ्नो क्षेत्रका सांसदले के–कस्ता गतिविधि गरिरहेका छन् भन्ने जानकारी पाउन सक्नेछन्। साथै, सांसदसँग प्रत्यक्ष सम्पर्क गर्न तथा आफ्ना गुनासा र सुझाव राख्नसमेत सहज हुने अपेक्षा गरिएको छ।

सांसदका गतिविधि नागरिकसम्म पुर्‍याउँदा जनप्रतिनिधिको कामप्रति नागरिकको निगरानी बढ्नुका साथै सार्वजनिक जवाफदेहिता र पारदर्शिता कायम गर्न सहयोग पुग्ने विश्वास गरिएको छ।

Originally published on abcnews.com.np.